நிறைவால் நிறை

நீர் நிறைந்த பாண்டத்தில் காற்றேறாது

நித்தியமாம் மெய்ப் பொருளால் நிறைந்த உள்ளம்,

ஊர் உலகப் பொருள் கவர்ச்சி உணர்ச்சி ஏதும்

உள் நுழையா இப்பேறு தவத்தாலன்றி

யார் பெறுவர் யார் தருவர்; அறிவு ஓங்கி

அதுவேதான் மெய்ப்பொருளென்றறியும் பேற்றைச்

சீர் நிலையில் மனம் வைத்து வேண்டாப் பற்றைச்

செதுக்கிக் கொண்டேயிருக்கும் விழிப்பு வேண்டும்.

- அருட்தந்தை வேதாத்திரி மகரிஷி